Aurten ere, martxoaren 5an, “El Mundo” egunkariak Espainiako 100 ikastetxe itundu eta pribatu onenen zerrenda argitaratu zuen. Zerrenda horretan 64. lekuan agertzen gara, 100etik 84 punturekin, 59. postutik 75.era bitarteko ikastetxeekin puntuazioan berdinduta (aurreko urtearekiko postu bat hobetu dugu, puntuazioari eutsiz).

Arabako lehen zentroa eta Euskadiko zazpigarrena izaten jarraitzen dugu.

Zerrenda hau egiteko, nahi duten ikastetxeek dossier zabala bidali behar dute, eta bertan, zentro bakoitzaren kudeaketa orokorra eta garatzen dituen jarduerak azalduko dira. Agiri horiekin, zentro onenen zerrenda egiten dute. Posizio horietan mantenduz eta puntuazio hauekin, beste aintzatespen bat dakar guztiok garatzen dugun lanari eta gure lan egiteko modu horri bultzada berri bat ematea.

Eskerrik asko guztioi, aitortza horiek ez baitira posible langileen, familien eta ikasleen inplikazioa eta elkarlana gabe.