Tutoretzak hezteko guneak dira, helburu nagusia pertsonen maila emozionalarekin eta sozialarekin lan egitea baita. URKIDEk bere nortasunaren giltzarritzat jotzen du. Misioan, URKIDEk honela aurkezten du bere burua: “Garrantzi berezia ematen diegu tutoretza ekintzari, laguntza emozionalari eta guztiontzako ingurune seguru eta akuilagarria sortzeari”.
ZUTORETZA
TUTORETZA EGITEKO MODU BERRI BAT
ZUTORETZA
Horrela deitu nahi izan diogu URKIDEn tutoretzari. Ez da hezkuntza‑ekintza baten izen hutsa: dei bat ere bada. Hitza ZU batekin hasten da, ikaslea tutoretza‑lanaren ardatz eta hartzaile gisa aurkeztuz, baina, aldi berean (eta hori da garrantzitsuena), ikaslea bere banako bilakaera propioaren subjektu aktibo bihurtzera mugitzen du. Nork bere burua ezagutzea edo bizitzarako planak egitea lehen pertsonan heldu beharreko jomuga motibagarriak dira.
BIDEAN LAGUNTZEA
