SPC pertsonentzako eta enpresentzako smart produktuen garapenean espezializatutako konpainia teknologiko espainiarra da. 1989an eratu zen Gasteizen, merkatuko eskaerak asetzeko telefonia gailuak ekoizteko eta merkaturatzeko asmoarekin, etxeko telefonian erabateko lidergoa lortuz. Gaur egun, 30 urtetik gorako eskarmentua du, arlo horretan duen posizioari eutsi dio eta, horrez gain, liderra da telefono mugikorren sektorean. Gaur egun, arabar jatorriko marka tableten, True Wireless entzungailuen, bozgorailuen, smartphonen, adinekoentzako mugikorren eta IoT produktu sorta zabal baten garapenean espezializatuta dago.

SPC produktuek 3 hamarkadatik gora daramatzate pertsonak benetan axola zaien horrekin konektatzen, beraientzat benetan garrantzitsuak diren pertsonekin eta haien bertsiorik onenarekin konektatzen. Hori guztia SPC SMART CONNECTION deritzonean aitzindari delako; eta konexio adimendun bat bizitzarekin eta balioekin konektatzea delako.

SPCren misioaren zati bat, hain zuzen, gizarteari laguntzean datza, haurrekin hasi eta helduengana iritsi arte, pertsonek beren ingurunearekin duten harremana hobetzeko. Horregatik, konpainiak beti lagundu izan du bere sorterrian, Gasteizen, hezkuntza hobetzen laguntzen duten lanetan; URKIDE Fundazioa sortu aurretik ere, ikastetxeko Zuzendaritzari proposatu zion komenigarria zela ikastetxean adimen anitzen teoria aplikatzea. URKIDEk gogo handiz hartu zuen ideia eta proiektu hura jorratzen hasi zen. Harrezkero, SPCk Fundazioari lagundu dio aurkeztu dizkion proposamen guztietan, eta gure haur eta gazteen hezkuntza hobetzeko ekimen guztiak babesten jarraitzeko asmoa du.

https://www.spc.es/